Roland & Felicia's Wedding Day 26 Nov 2016

Roland & Felicia

Dit was 'n baie warm, helder karoo son dag gewees. Ek ontmoet vir Felicia by haar sussie se huis waar sy haar hare, make-up laat doen het en haar sussie en pragtige dogter haar aangetrek het. Felicia is so 'n stil dame en dra nooit make-up nie, maar vir haar spesiale dag het sy behoorlik gestraal. Ek het nog nooit 'n bruid gesien wat so op tyd was en reg vir die groot dag soos Felicia nie, alles was op tyd, so dat sy selfs bietjie moes wag in die kar om in te gaan kerk toe. Roland en Felicia is al 'n paar jaar saam en het twee pragtige kinders, maar die oomblik toe hulle mekaar sien was groot, selfs ek moes 'n traan af vee. Hoe pragtig is dit om deel te wees van twee mense se ware liefde wat hulle kan deel met ander. Na Kerk is ons deur na 'n pragtige tuin in Adendorp, waar ons gou 'n paar oomblike kon steel en familie herrineringe kon vas lê. Ons het al ons dae gehad met die skerp son en lastige briesie, maar Roland en Felicia maak dit so maklik om pragtige fotos te kon neem, al het hulle warm gekry, was hulle so geduldig. Daarna is ons deur na Graaff-Reinet Golf club vir die onthaal, heerlike kos, wonderlike vriende en familie, wat meer kon Roland en Felicia voor gevra het vir hulle spesiale dag. Mag julle net met elke nuwe huweliks herdenking net meer en meer God se Liefde en Genade ontvang, dankie dat ons kon deel in julle baie spesiale dag.